ABŞ-dən F-35 açıqlaması gəlib. Türkiyəyə təyyarə satışı ilə bağlı mübahisənin davam etdiyi vurğulanıb. Ağ Ev Milli Təhlükəsizlik Şurasının Strateji Kommunikasiyalar üzrə koordinatoru Con Kirbi S-400 raketdən müdafiə sistemi ilə bağlı vəziyyətin həll olunacağı təqdirdə Türkiyənin yenidən F-35 proqramına qoşulmasının mümkün olduğunu bildirib.
Sherg.az xəbər verir ki, Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Kirbi gündəlik mətbuat brifinqində F-35-lərlə bağlı sualı cavablandırıb.
Kirbi Türkiyəyə F-16-ların satışından sonra bu ölkənin F-35 proqramına qayıda bilməyəcəyi sualına isə hazırda bu mövzuda heç bir dəyişiklik və ya inkişaf olmadığını cavablandırıb.
Kirbi, "Bu mövzuda danışıqlarımız davam edir. Türkiyə bu mövzuda narahatlığımızı aradan qaldıra bilsə, o zaman F-35 proqramındakı iştirakı bərpa edilə bilər" deyib.
Türkiyədə danışıqlar aparan ABŞ dövlət katibinin müavini vəzifəsini icra edən Viktoriya Nuland Rusiyadan alınan S-400 raketdən müdafiə sistemi ilə bağlı vəziyyətin həll olunacağı təqdirdə Türkiyəni yenidən F-35 proqramına qəbul etməkdən məmnun olacaqlarını bildirib.
