Deputatın fikrincə, Paşinyanın rolu Ermənistanı Rusiyaya qarşı yönəlmiş növbəti torpedoya çevirməkdir.
Ermənistanın baş naziri Nikol Paşinyan Qərbin təhriki ilə ölkəsini iqtisadi, sosial və hərbi uçuruma doğru sürükləyir. Bunu Rusiya Dövlət Dumasının Müdafiə Komitəsinin sədrinin birinci müavini Aleksey Juravlyov deyib.
Paşinyan İrəvanın KTMT-də iştirakının dondurulmasını təşkilatın guya Ermənistanın suverenliyinə təhdid yaratdığını deyərək əsaslandırmağa çalışıb. Rusiya prezidentinin mətbuat katibi Dmitri Peskov Kremlin Paşinyanın mövqeyi ilə razılaşmadığını açıqlayıb. O vurğulayıb ki, KTMT-dən Ermənistanın suverenliyinə heç bir təhlükə gələ bilməz və gəlmir. Peskov qeyd edib ki, KTMT təşkilata üzv ölkələrin suverenliyini qoruyur və Rusiya bu mövqeyi səbirlə Ermənistan rəhbərliyinə çatdıracaq.
"Mən əminəm ki, indi də Ermənistan əhalisinin əksəriyyəti rusiyalılara minnətdarlıq və hörmətlə yanaşır, lakin Paşinyanın təhriki ilə başçılıq etdiyi erməni elitası haqqında demək olmaz. Qərb ağalarının təhriki ilə o öz dövlətini iqtisadi, sosial və hərbi uçuruma doğru itələyir", Juravlyov RİA Novosti-yə bildirib.
Deputatın fikrincə, Paşinyanın rolu Ermənistanı Rusiyaya qarşı yönəlmiş növbəti torpedaya çevirməkdir.
2024-cü ilin fevralında İrəvan KTMT-də iştirakın dondurulduğunu elan edib. Qərar Ermənistan hakimiyyətinin 2020-ci və 2023-cü illərdə Azərbaycanla münaqişənin kəskinləşməsindən, eləcə də bu müddət ərzində baş vermiş sərhəd toqquşmalarından sonra KTMT və Rusiyanı öz öhdəliklərini yerinə yetirməməkdə dəfələrlə ittiham etməsi fonunda verilib. Paşinyan Ermənistandan başqa Belarus, Qazaxıstan, Qırğızıstan, Rusiya və Tacikistanın da daxil olduğu təşkilatdan ölkənin çıxacağını da istisna etməyib.
Rusiya Federasiyası xarici işlər nazirinin müavini Mixail Qaluzin əvvəllər bəyan etmişdi ki, qərblilər Ermənistan hakimiyyətini KTMT-də iştirakını dondurmağa sövq edib. Rusiya xarici işlər naziri Sergey Lavrovun da qeyd etdiyi kimi, Paşinyanın KTMT-nin guya "Ermənistanı problem içində tərk etməsi" barədə dedikləri həqiqətə uyğun deyil. Rusiya Xarici İşlər Nazirliyinin rəsmi nümayəndəsi Mariya Zaxarova RİA Novosti-yə bildirib ki, İrəvanın Rusiyanın Ermənistanla münasibətlərdə niyyətlərinin səmimiliyinə dair şübhələrinə tarixi cavab var: Moskva dəfələrlə Ermənistanın köməyinə gəlib, onu müdafiə edib və qan tökülməsinin qarşısını almaq üçün səylər göstərib.
