Türkiyədə İzmir şəhərinin Berqama rayonunda ağır yol qəzası baş verib.
APA-nın yerli bürosunun xəbərinə görə, yük maşını ilə taksi fəaliyyəti ilə məşğul olan avtomobil toqquşub.
İdarəetmədən çıxan yük maşını piyadalar üçün nəzərdə tutulmuş səkiyə çıxıb. Qəza nəticəsində səkidə gedən iki piyada avtomobilin altında qalaraq ölüb.
Qəzada avtomobillərdə olan 5 nəfər yaralanıb.
