Bakıda çoxmərtəbəli yaşayış binasında yanğın olub.
Bu barədə "Report" Fövqəladə Hallar Nazirliyinə istinadən xəbər verir.
Məlumata görə, Yasamal rayonunda çoxmərtəbəli yaşayış binasının dördüncü mərtəbəsinin pilləkən qəfəsində quraşdırılan elektrik lövhəsində 4 ədəd sayğac, 4 ədəd açar və giriş kabeli 2 p.m yanıb.
Mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.