Ermənistan parlamentində müxalifət və iqtidaryönlü deputatlar arasında dava düşüb.
Hadisə müxalif “Hayastan” fraksiyasından olan deputat Artur Sarkisyanın çıxışından sonra baş verib.
Onun çıxışı iqtidaryönlü deputatların etirazı ilə qarşılanıb.
Nəticədə Artur Sarkisyanla hakim partiyadan olan deputat Ovik Aqazaryan arasında mübahisə yaranıb.
Parlamentin Təhlükəsizlik Xidmətinin işçiləri hər iki deputatı iclasın keçirildiyi zaldan çıxarıblar.
