HƏMAS-ın əsas maliyyəçilərindən biri hesab edilən Səid Əhməd Abid Xudari Qəzza bölgəsində öldürülüb.
Teleqraf xəbər verir ki, bu barədə İsrail Müdafiə Qüvvələri məlumata yayıb.
Qeyd olunub ki, Xudari Qəzza şəhərinə endirilən dəqiq hava zərbəsi nəticəsində məhv edilib.
Əməliyyat kəşfiyyat məlumatları əsasında həyata keçirilib və İsrail ordusu hesab edir ki, onun zərərsizləşdirilməsi HƏMAS-ın silahlanma və bərpa imkanlarına ciddi zərbə vuracaq.
Ordunun açıqlamasına görə, o, xüsusilə qardaşı Həmid Xudari məhv edildikdən sonra HƏMAS-ın hərbi əməliyyatları üçün əsas maliyyə kanallarından birinə çevrilib.
