Dünən İstanbul hava limanında Nigeriyadan gələn təyyarənin yük anbarında gizlənən bala qorilla tapılıb. Təbii yaşayış yerindən qoparılaraq qaçaqmalçıların əlinə keçən qorilla mühafizəyə götürülüb. Kənd Təsərrüfatı və Meşə Təsərrüfatı Nazirliyi qorilla balasının yeni görüntülərini "Balacanın vəziyyəti yaxşıdır" qeydi ilə paylaşıb.
Sherg.az xəbər verir ki, xilasetmə əməliyyatını Gömrük Mühafizəsi, Qaçaqmalçılıq və Kəşfiyyat İdarəsinin qrupları həyata keçirib. Nigeriyadan Taylandın Banqkok şəhərinə uçan təyyarənin vəziyyətinin şübhəli olduğu məlum olub. Yüklərə baxılan zaman qutudan gələn səslər diqqət çəkib.
Komandalar tərəfindən aparılan ekspertizada müəyyən edilib ki, qəfəs tipli qutuda nəsli kəsilmək ərəfəsində olan qorilla müəyyən edilib.
Narahat baxışlarla ətrafa tamaşa edən qorilla Kənd Təsərrüfatı və Meşə Təsərrüfatı Nazirliyinin müvafiq bölmələrinə təhvil verilib.
Kənd Təsərrüfatı və Meşə Təsərrüfatı Nazirliyi sosial media hesabında “Balacanın vəziyyəti yaxşıdır...” qeydi ilə körpə qorillanın yeni görüntülərini yayımlayıb.
Nazirlikdən verilən yazılı açıqlamada Milli Parkların əməkdaşları tərəfindən reabilitasiya edilən və baxılan qorilla balasının sağlamlıq vəziyyətinin yaxşılaşdığı və bundan sonra da müşahidə altında saxlanacağı bildirilib.
