Adananın 16 yaşlı bir gənci, sosial media üçün tapança ilə video çəkdiyi zaman təsadüfən 14 yaşlı dostunun ölümünə səbəb olub.
Sherg.az xəbər verir ki, hadisə 21 aprel tarixində Seyhan rayonunun Mıdık məhəlləsində baş verib. İddialara görə, 14 yaşlı Murat Aras Hirmanın idarə etdiyi motosikletin arxasında oturan 16 yaşlı M.E.Ş., sosial media üçün video çəkməyə başlayıb. Bu zaman M.E.Ş.-nin əlindəki tapança təsadüfən atəşlənib. Güllə motosikleti idarə edən Hirmana dəyib.
Ağır yaralanan Hirman üçün M.E.Ş. dərhal 112 Təcili Yardım Mərkəzinə zəng edərək "Dostum vuruldu" şəklində məlumat verib. Hadisə yerinə gələn tibbi heyət, Hirmanı xəstəxanaya aparıb. Reanimasiyada müalicə alan uşaq, 9 günlük həyat mübarizəsinə baxmayaraq, bütün müdaxilələrə rəğmən həyatını itirib.
Polis qruplarının apardığı araşdırmalarda, silahın təsadüfən atəş aldığı müəyyən edilib. Saxlanılan M.E.Ş., polis idarəsindəki əməliyyatlardan sonra məhkəməyə çıxarılıb və həbs edilərək cəzaevinə göndərilib.
