Avropa İttifaqında "dron divarı" 1-1.5 il ərzində yaradıla bilər.
Oxu.Az "Euronews"a istinadla xəbər verir ki, bunu Latviyanın Baş naziri Evika Silinya bəyan edib.
Baltik və Şimali Avropa ölkələri son bir neçə həftə ərzində Polşa, Estoniya, Rumıniya və Danimarkada hava məkanının silsilə pozulması hallarından sonra müvafiq layihə qəbul edərək bir-birini birliyə və həmrəyliyə çağırıblar.
Avropa Komissiyası sentyabrın 10-na keçən gecə Polşa hava məkanının pozulmasından sonra Avropa İttifaqının şərq sərhədi boyunca "dron divarının" yaradılması niyyətini açıqlayıb.
Bu layihə Almaniya, Polşa, Finlandiya və Baltik ölkələrinin ümumi təşəbbüsü olub, Rusiya ilə bütün sərhəd boyunca, o cümlədən Ukrayna ərazisində izləmə vasitələrindən və pilotsuz uçuş aparatlarından avtomatlaşdırılmış müdafiə sistemlərindən ibarət çoxplanlı sistemin quraşdırılmasına yönəlib. Hazırda layiq işlənmə və modellərin seçimi mərhələsindədir.
