Azərbaycan Avropanın enerji təəhlükəsizliyində yaşıl enerjisi ilə iştirak etməyə başlayır
Azərbaycan Rumıniya və Bolqarıstanla qaz-enerji məsələlərini müzakirə edib
Azərbaycan Rumıniya və Bolqarıstanla qaz-enerji məsələlərini müzakirə edib. Energetika naziri Pərviz Şahbazov Türkiyədə Rumıniya və Bolqarıstanlı həmkarları ilə görüşüb. "APA-Economics" xəbər verir ki, bunu Pərviz Şahbazov “X” sosial şəbəkəsindəki hesabında bildirib. Paylaşımda qeyd olunub ki, İstanbulda Rumıniyanın energetika naziri Sebastian-İoan Burduja ilə “Xəzər-Qara dəniz-Avropa Yaşıl Enerji Dəhlizi” layihəsinin inkişafı, qaz tədarükü və enerji əməkdaşlığının gündəliyində olan digər məsələlərlə bağlı müzakirələr apardıq. Türkiyədə Bolqarıstanın energetika naziri Jeço Stankov ilə səmərəli görüş keçirdik. Qaz tədarükü və tranziti üzrə əməkdaşlığımızın inkişafı perspektivlərini, “Azərbaycan-Gürcüstan-Türkiyə-Bolqarıstan Yaşıl Enerji Dəhlizi”l ayihəsinin icrası və Bolqarıstanın qazlaşdırılması istiqamətlərində irəliləyişləri nəzərdən keçirdik.
Millət vəkili Azər Badamov Sherg.az-a söyləyib ki, Azərbaycanın Energetika naziri Pərviz Şahbazovun Bolgarıstanlı həmkarı arasında Türkiyədə keçirilmiş görüş və müzakirə olunan məsələlər nəinki Bolqarıstanın, həm də Avropanın enerji təhlükəsizliyində Azərbaycanın iştirakının zəruriliyin göstəricisidir:
"Azərbaycan Avropanın 10 ö, Aİ-nın isə 8 ölkəsinə qaz ixrac edir. Avropaya ixrac etdiyimiz qazın bir hissəsi Yunanıstan-Bolqarıstan interkonnektoru vasitəsilə Bolqarıstan üzərindən şaxələndirilir. O cümlədən Bolqarıstanın qaz şəbəkəsinin qurulmasında ölkəmizin iştirakı müzakirə olunan mövzulardandır. Həmçinin yaşıl dəhlizlə bağlı məsələ də perespektivli və aktualdır. Çünki, Yaşıl Dəhliz Məşvərət Şurasına daxil olan ölkələrlə Azərbaycan-Gürcüstan -Türkiyə və Bolqarıstan arasında imzalanmış razılıqlara əsasən Qara dənizin dibi vasitisilə yaşıl kabelin çəkilməsi məsələsi reallaşmaq üzrədir. Ümumiyyətlə, Azərbaycan Avropanın enerji təəhlükəsizliyində yaşıl enerjisi ilə iştirak etməyə başlayır. Bu baxımdan energetika nazirimizin Bolqarıstanlı həmkarı ilə keçirdiyi görüşün enerji gündəliyimizin inkişaf etdirlməsi nöqtəyi nəzərindən əhəmiyyətli olduğunu hesab edirəm”.
