Ukrayna müharibəsinin bənzəri Asiyada alovlana bilər -ANALİZ
Yusif Sultanoğlu
02:13 01.08.2024
Dünya
602
Yaponiyalı ekspertlər narahatdır
Çinin Tayvanı ələ keçirmək planının müharibəyə çevrilə biləcəyi ehtimalı vurğulanıb
Yaponiya Xarici İşlər Nazirliyi ölkənin xarici və təhlükəsizlik siyasətini müəyyələşdirərək builki “ağ kitab”ı yayımlayıb. Keçmiş illərdəki “ağ kitablarda” əsas təhlükənin Çindən gəldiyi vurğulanmış, hətta buna görə Pekin bir neçə dəfə Tokioya etirazını bildirmişdi. Yaponiyanın builki “ağ kitabında” təhlükələr sırasına Çinlə yanaşı Rusiya və Şimali Koreya əlavə edilib. Yayımlanan kitabda Tokionun Rusiya-Çin ittifaqından narahatlıq ifadə edilib. Kitabda göstərilib ki, Qərbin Rusiyaya qarşı sanksiyalarına baxmayaraq, Ukrayna ilə müharibə uzun müddət davam edə bilər. “Ağ kitab”ın bəndlərinə görə, Yaponiya hərbi qüdrətini artırmalı, ABŞ və NATO ilə ittifaqı gücləndirməlidir. Kitaba ön söz yazan Yaponiyanın müdafiə naziri Minoru Kuxara beynəlxalq aləmdə vəziyyətin gərginləşdiyini bu sözlərlə ifadə edib: “İkinci Dünya müharibəsindən sonra beynəlxalq aləm ciddi çağırışlarla üz-üzədir. Bu mənada biz yeni və təhlükəli eraya qədəm qoyuruq”.
Politoloq Elxan Şahinoğlu deyib ki, Tokio hesab edir ki, Avropa və Asiyanın təhlükəsizlik konsepsiyasını birləşdirmək lazımdır:
"Yaponiyalı ekspertlərin fikrincə, Ukrayna müharibəsinin bənzəri Asiyada alovlana bilər. Məsələn, Çinin Tayvanı ələ keçirmək planının müharibəyə çevrilə biləcəyi ehtimalı vurğulanıb. Yaponiya Rusiyanın uzaq şərqdə silahlı qüvvələrini gücləndirməsindən və bu bölgədə dəniz qüvvələrinin sayının artmasından da narahatdır. Bildirilib ki, Ukrayna müharibəsiylə əlaqədar Rusiya hərbi-sənaye kompleksinin gücünü ən azı 4 dəfə, o cümlədən silah və hərbi texnika istehsalını 4 dəfə artırıb. Şimali Koreyanın raket arsenalını gücləndirməsi də Tokionun diqqətindən yayınmır.
“The Japan Times” nəşrinin yazdığına görə, “ağ kitab”a Yaponiyanın hərbi potensilına və hərbi xərclərinə aid bənd əlavə edilib. Yaponiyanın Baş naziri Fumio Kisida 2022-ci ildə vəd vermişdi ki, 2027-ci il üçün hərbi xərclər 2 faizə çatdırılacaq. Beşillik xərc 273 milyard dollar civarında nəzərdə tutulub. Yaponiyada yeni hərbi gəmilərin, raketlərin istehsalına başlanılıb".
Ekspertin fikrincə, bu arada, Çin-Kuba əlaqələri də Tokionun diqqətini çəkib:
"Çinin Kubadakı gizli casus bazaları Amerikanın cənub-şərq sahilini hədəf alaraq Pekinin qlobal kəşfiyyat oyununda yeni cəbhə açdığına işarədir. Çin Kuba üzərindən ətraf bölgələrin hərbi gücünü nəzarət altında saxlamağa qadirdir. Kuba ilə hərbi əməkdaşlıq Moskvanın da diqqət mərkəzindədir. Rusiya hərbi gəmiləri bir müddət əvvəl Kubada lövbər salmışdılar".
Oxşar xəbərlər
Xəbər lenti
Hamısına bax
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət