Onlayn qəzet

Digər kateqoriyalar

“Yeni media, sosial şəbəkələr həqiqi mətbuat üçün problemlər yaradırlar” 

16:14 24.07.2019 Media 1001
“28 ildir müstəqil olan Azərbaycan kimi kiçik bir dövlət üçün mətbuatın 144 illiyini qeyd etmək çox ciddi məqamdır”.

Bunu “Sherg.az”a açıqlamasında Demokratik Jurnalistlər Liqasının sədri, Mətbuat Şurası İdarə Heyətinin üzvü Yadigar Məmmədli deyib.
Y.Məmmədli bildirib ki, Azərbaycan xalqı, ziyalılarımız həm Şərq, həm də müsəlman dünyasında bir çox ilklərə imza atıblar: 
“Milli mətbuatımız da ötən dövr ərzində xeyli inkişaf yolu keçib. Mətbuat nümayəndələri 144 il ərzində liderimiz Həsən bəy Zərdabinin yolunu davam etdirməyə çalışıblar.
 Əlbəttə, ötən müddət ərzində mətbuatın yolu da enişli-yoxuşlu olub, müstəqilliyimizi itirmişik və s.
 Məsələ ondadır ki, müstəqilliyimizi əldə etdikdən sonra da mətbuat həyatımız çox rahat keçməyib. 
Müəyyən çətinliklərimiz, problemlərimiz olub. Adətən ildönümləri qeyd olunarkən müsbət məqamlardan söhbət açırlar. Bizim də nailiyyətlərimiz olub.
 Ən azından özümüzə məxsus mətbuatımız var. İnformasiya müharibəsi sahəsində xeyli işlər görmüşük. Amma mediamızın iqtisadi müstəqilliyinin daha çox olması, informasiya əldə etməyin asanlaşması üçün hər birimiz daim mübarizə aparmalıyıq”. 
Analitik bildirib ki, medianın inkişafı üçün yorulmadan, usanmadan çalışmalıyıq: 
“Çünki yolumuz çox uzundur. 144 il əvvəl əsası qoyulan milli mətbuatımızı ayaqda saxlamaq və daha da inkişaf etdirmək üçün əlimizdən gələni əsirgəməməliyik. 
Yalnız o halda mətbuatın durumu ilə bağlı arzulanan səviyyəyə gəlib çata bilərik. 
Təbii ki, problemlərimiz qalmaqdadır, xüsusən yeni media, onlayn mətbuat, sosial şəbəkələr həqiqi mətbuat üçün problemlər yaradırlar. 
 Lakin bütün bunları dəf etmək üçün Həsən bəy Zərdabinin qoyduğu cizgidə yolumuzu davam etdirməliyik”. 

Yazarın bütün yazılarına bax

Oxşar xəbərlər

post-slider
Rusiyada KİV ilk dəfə terror təşkilatı kimi tanınıb
10:03 12.01.2025
post-slider
"Kaspi" qəzeti 144 illiyini qeyd edir
13:54 01.01.2025
post-slider
Mətbuat Şurası İdarə Heyətinin iclası keçirilib, APA-nın 20 illiyi ilə əlaqədar Vüsalə Mahirqızına plaket təqdim olunub
17:47 28.12.2024
post-slider
Onlayn media subyektlərinə dəstək çərçivəsində elan edilmiş müsabiqənin nəticələri açıqlanıb
14:08 28.12.2024
post-slider
Onlayn və çap mediası subyektləri üçün təşkil olunan müsabiqənin nəticələri açıqlanıb
12:57 28.12.2024
post-slider
Audiovizual Şura: Matəmlə əlaqədar televiziyaların proqramında dəyişiklik ediləcək
16:44 25.12.2024

Xəbər lenti

Hamısına bax