İsrail hərbçiləri ölkənin hava məkanına yaxınlaşaraq şərqə uçan pilotsuz uçuş aparatını qeydə alıblar.
“Report” xəbər verir ki, bu barədə ordunun mətbuat xidməti məlumat yayıb.
Məlumata görə, pilotsuz təyyarə İsrail Hərbi Hava Qüvvələri tərəfindən vurulub. Tələfat və dağıntılar barədə məlumat yoxdur.
“The Times of Israel” qəzetinin yazdığına görə, ilkin hərbi qiymətləndirmələr aparatın Yəməndən buraxıldığını göstərir. Nəşrin məlumatına görə, o, İsrailin cənubundakı Arava səhrası üzərində vurulub.
