“QHT-lərə beynəlxalq təşkilatları ölkəyə dəvət etmələrinə dəstək olcağıq”.
"Report"un Qarabağ bürosu xəbər verir ki, bunu Ağadama səfəri zamanı jurnalistlərə QHT-lərə Dövlət Dəstəyi Agentliyinin Müşahidə Şurasının sədri Azay Quliyev bildirib.
O, qeyd edib ki, Agentliyin qrand siyasəti ilk növbədə Qarabağın quruculuğuna yönəldiləcək: "Bizim Qarabağa qayıdışla bağlı çox ciddi planlarımız var. Həm maddi, həm təşkilati, həm də informasiya baxımından... Beynəlxalq təşkilatları ölkəmizə dəvət etmələri üçün Azərbaycanda fəaliyyət QHT-lərə dəstək olacağıq. İlk növbədə ərazilərin minalardan təmizlənməsi prosesində beynəlxalq təşkilatların və xaricdə fəaliyyət göstərən QHT-lərin iştirakını təmin etməliyik. Bu çox vacib məsələdir. Ərazilərin minalardan təmizlənməsi həyatı əhəmiyyətə malikdir. Minalardan təmizlənməsi olmasa quruculuq işlərinin aparılması mümkün deyil. QHT-lər bu baxımdan böyük potensiala malikdirlər".
A.Quliyev əlavə edib ki, bundan başqa Azərbaycanın haqlı mövqeyini dünyada bir daha tanıtmaq üçün informasiya müharibəsinə xüsusi önəm verilməlidir: "Son vaxtlar ermənilər tərəfindən Azərbaycana qarşı yalan və böhtan xarakterli kompaniyaya başlanılıb. QHT-lər bu işlərdə fəal olmalıdırlar. Onlar gördüklərini olduğu kimi, yerli və xarici ictimaiyyətin diqqətinə çatdırmalıdırlar. Burada QHT-lərin kifayyət qədər potensialı var ki, beynəlxalq təşkilatları xüsusilə ATƏT, Avropa İttifaqı, BMT, Avropa Şurası və onun digər qurumlarını bu istiqamətdə məlumatlandırsınlar".