Yeni Zelandiyaya məxsus “Eyr Nyu Zeland” aviaşirkətinin sərnişinləri sözün əsl mənasında zamanda səyahət ediblər. Onlar təyyarənin göyərtəsinə 1 yanvar 2020-ci ildə qalxaraq, onu 2019-cu ildə tərk ediblər.
Axar.az xəbər verir ki, bu barədə “Flaytradar24” portalı məlumat yayıb.
Məsələ bundadır ki, Yeni Zelandiya ilə Fransa Polineziyası arasında 23 saat fərqi vardır. “Boinq 787-9 Drimlayner” Oklend şəhərini tərk edərkən saat 09:55 və Taiti adasının Papeete şəhərinə eniş edərkən isə 31 dekabr 2019-cu il 15:55 zamanını göstərib. Uçuş vaxtı cəmi 4,5 saat təşkil edib.
Məlumata əsasən, daha bir anoloji hadisə Tokio - Los Anceles reysilə baş verib. Təyyarə 1 yanvar 2020-ci il tarixdə Yaponiyadan havaya qalxıb və 2019-cu ildə ABŞ-a eniş edib. Sərnişinlər yeni ili təkrar qeyd etmək üçün kifayət qədər zamana sahib olublar.