"Mançester Siti"nin hücumçusu Erlinq Holand "Sauthempton"la oyundan əvvəl yadplanetli geyimində işləyən qadına xəsarət yetirməkdə günahlandırılıb.
Oxu.Az xəbər verir ki, bu barədə "The Sun" məlumat verib.
Qadının stadionda şəkil çəkdirərkən başının arxasından iki zərbə hiss etdiyi bildirilir. O özünü pis hiss etməsinə baxmayaraq, işinə davam edib, daha sonra isə onun ürəyi bulanıb, boyun və başında ağrılar hiss etməyə başlayıb. Qadın xəstəxanaya getməyə məcbur olub, lakin kompüter tomoqrafiyası zamanı heç bir zədə aşkar edilməyib.
Klub hadisəni araşdırdığını, lakin qadının onun təsvir etdiyi şəkildə yaralandığına dair heç bir dəlil tapmadığını bildirib. "Mançester Siti" də həmçinin zərərçəkmişin polisə müraciət etdiyini təsdiqləyib, lakin hüquq-mühafizə orqanlarının hələlik heç bir tədbir görmədiyini bildirib.
