
Bazarın xarici idxaldan asılı olduğu bir şəraitdə, xaricə kərə yağı satırıq -İqtisadçı
08:58 05.02.2025
İqtisadiyyat
739
Azərbaycan, Uruqvay və Argentina ilin əvvəlindən Rusiyaya kərə yağı tədarükünü artırıb.
Oxu.Az xəbər verir ki, bu barədə Rusiyanın Federal Baytarlıq və Fitosanitar Nəzarət Xidmətinin ("Rosselxoznadzor") saytında "VetİS" Federal Dövlət İnformasiya Sisteminin məlumatlarına istinadən məlumat verilib.
Qeyd olunur ki, eyni zamanda Belarusdan Rusiyaya kərə yağının idxalı azalıb.
Məlumata görə, Azərbaycandan 940 ton kərə yağı idxal edilib ki, bu da bir il əvvəlkindən (240 ton) 4 dəfə çoxdur. Uruqvay 2024-cü ilin yanvarında 150 tona qarşı 649 ton tədarük edib. Argentinadan 200 ton yağ idxal edilib, lakin ötən ilin eyni dövründə bu rəqəm cəmi 50 ton olub.
Tanınmış iqtisadçı-ekspert Razi Abbasbəyli “Sherg.az”a söyləyib ki, 2024-cü ildə Azərbaycan 29 min ton kərə yağı istehsal edib:

“Eyni zamanda Azərbaycan xarici ölkələrdən 29 min tonda kərə yağı idxal edib. Nəticə etibarilə ölkənin kərə yağına olan daxili tələbatı 63-64 min tona qədərdir. Amma Azərbaycanın daxilində istehsal edilən və idxal edilən kərə yağının ümumi həcmi isə 58 min tondur. Yəni təklif tələbdən beş min ton aşağıdır. O zaman sual yaranır ki, necə olur ki, Azərbaycan öz daxili bazarının 50 faizni idxal hesabına formalaşdırdığı bir şəraitdə xarici ölkələrə kərə yağı idxal edir? Burada bir sıra nüanslar var. Əsas nüans ondan ibarətdir ki, Rusiya investisiyası ilə Azərbaycanda maldarlıq təsərrüfatları qurulur. Həmin maldarlıq təsərrüfatları istehsal etdikləri kərə yağını, süd və ya süd məhsullarını Rusiya bazarlarına aparırlar və orada satışa çıxarırlar. Yəni bu halda ixrac mümkündür. Məhz Rusiyanın investisiyası ilə formalaşmış müəssisələrin istehsal etdikləri kərə yağı daxili bazara deyil, xarici bazara və yaxud elə investisiyanın vətəninə geri aparılır. Nəticə etibarilə daxildə tələb mövcud olduğu və bazarın xarici idxaldan asılı olduğu bir şəraitdə, xaricə kərə yağı satırıq. Bu, Azərbaycanın yerli investisiyası hesabına formalaşmış müəssisələrin və yaxud da Azərbaycan vətəndaşlarının investisiyaları əsasında deyil. Məhz Rusiyanın Azərbaycandakı investisiyaları hesabına formalaşmış müəssisələrdən Rusiyaya, geri aparılan kərə yağı deməkdir”.
Oxşar xəbərlər
Xəbər lenti
Hamısına bax
Başına top dəyən futbolçu öldü
19:42 16.11.2026
Futbol
Putin APEC sammitindən dərhal sonra Tacikistana gedəcək
19:34 16.11.2026
Aktual
Tramp Çində Putin və Si Cinpinlə görüşəcəyini təsdiqləyib
19:26 16.11.2026
Aktual
COP31-in sədri Azərbaycan pavilyonunu ziyarət etdi
19:18 16.11.2026
Gündəm
Britaniya nəşri hazırda İranı kimlərin idarə etdiyini açıqladı
19:11 16.11.2026
Dünya
Tramp Çində Putinlə yanaşı Kim Çen Inla da görüşə bilər
18:47 16.11.2026
Dünya
Azərbaycan bu beynəlxalq şuranın üzvü seçildi
18:45 16.11.2026
Gündəm
Gəncədə 42 yaşlı kişi 4-cü mərtəbədən yıxılıb
18:39 16.11.2026
Hadisə
Dolların mövqeyi zəifləyir, manat güclənir - İZAH
18:28 16.11.2026
İqtisadiyyat
Bakı-London iqtisadi tərəfdaşlığı genişlənir - TƏHLİL
18:09 16.11.2026
Gündəm
Aİ Ukraynaya silah tədarükü üçün 1,76 milyard avro ayırdı
18:03 16.11.2026
Dünya
Bakıda bal yarmarkasının tarixi və yeri dəyişdirildi
17:58 16.11.2026
Sosial
Hörmüz boğazında daha bir neft tankeri minaya düşüb
17:49 16.11.2026
Dünya
Narkoloji müayinəyə dair yeni tələb müəyyənləşir
17:47 16.11.2026
Sosial
İran və Pakistan XİN rəhbərləri görüşdü
17:21 16.11.2026
Dünya