Dekabrın 8-də Kürdəmir rayonunda biryaşlı uşaq vəfat edib.
"Qafqazinfo" xəbər verir ki, saat 13 radələrində 2023-cü il təvəllüdlü Ö.Məlikməmmədov yaşadığı Şüşün kəndindəki evdə dünyasını dəyişib.
Epilepsiya xəstəliyindən əziyyət çəkən körpənin qıcolmadan vəfat etdiyi bildirilib.
Faktla bağlı araşdırma aparılır.
Pediatr Vaqif Qarayev “Sherg.az”a açıqlamasında deyib ki, uşaqlarda qıcolmanın səbəbləri müxtəlifdir:
“Qıcolmanın beyinlə və ya kənar orqanlarla bağlı olduğunu araşdırmaq lazımdır. Bir yaşlı uşağın ölümünə baxsaq görərik ki, onda ciddi problemlər olub. Körpə uşaqlarda bəzən yüksək qızdırma fonunda qıcolmalar olur. Buyna da sebril qıcolma deyirlər. Bu müəyyən vaxt ərzində keçib gedən xəstəlikdir. Birinci növbədə beyin müayinə olunmalıdır. Həkim hamiləlik, doğuş, dövrünü araşdırmalıdır. Ümumiyyətlə hər ay uşağın inkişafı izlənməlidir. Xoşagəlməyən bir şey olduqda müalicəsinə başlanmalıdır. Bəzən epileptik tutmalar olur və beyin müayinəsində biz onu görürük. Əgər beyin təmizdirsə, səbəbini kənarda araşdırmaq lazımdır”.
