Azərbaycanda koronavirus (COVID-19) infeksiyasına son 1 həftədə (07.08.2023-13.08.2023) 8 yeni yoluxma faktı qeydə alınıb, 7 nəfər müalicə olunaraq sağalıb.
Nazirlər Kabineti yanında Operativ Qərargahdan APA-ya verilən məlumata görə, analiz nümunələri müsbət çıxan 2 nəfər vəfat edib.
Azərbaycanda indiyədək ümumilikdə 832 044 nəfər koronavirus infeksiyasına yoluxub. Onlardan 821 738 nəfər müalicə olunaraq sağalıb, 10 295 nəfər vəfat edib, aktiv xəstə sayı 11 nəfərdir.
Ölkədə son həftə ərzində 2 028, hazırkı dövrədək isə 7 665 921 test aparılıb.
