Dünya tarixində ən dəhşətli nüvə qəzası 1986-cı ildə Çernobıl Elektrik Stansiyasında nüvə reaktorunun partlaması ilə baş verib.
Sherg.az xəbər verir ki, ərazidəki vəhşi heyvanlar yüksək səviyyəli radiasiyaya uyğunlaşaraq sağ qala biliblər.
Partlayış nəticəsində ətraf mühitə xərçəng yaradan radiasiya sızdıqdan sonra insanlar ərazini tərk ediblər.
Radiasiyaya daha çox məruz qalmamaq üçün partlayışdan zərər çəkmiş ərazi məftillərlə əhatə olunub və yaşayış üçün yararsız zona elan edilib.
Ancaq nüvə fəlakətindən sonra təxminən 38 il ərzində vəhşi təbiət, o cümlədən radiasiyadan təsirlənməmiş canavar sürüləri də daxil olmaqla, ərazini bərpa edib.
Prinston Universitetində təkamülçü bioloq və ekotoksikoloq Cara Love mutant canavarların radioaktiv mühitlərdə sağ qalmaq üçün necə təkamül keçirdiklərini araşdırır.
2014-cü ildə Love və onun həmkarları Çernobıla daxil oldular və vəhşi canavarlara radiasiya dozimetrləri ilə quraşdırılmış GPS yaxaları taxıblar. Bu arada, xərçəngə səbəb olan radiasiyaya reaksiyalarını anlamaq üçün heyvanlardan qan nümunələri də götürülüb.
Xüsusi yaxalar tədqiqatçılara real vaxt rejimində canavarların harada olduğunu və onların nə qədər radiasiyaya məruz qaldığını izləməyə imkan verirdi.
Bu canavarların həyatları boyu gündə 11,28 millirem radiasiyaya məruz qaldıqları məlum olub. Bu nisbət insanlar üçün qanuni təhlükəsizlik limitindən altı dəfə çoxdur.
Tədqiqatçılar Çernobıl canavarlarının immun sistemlərinin adi canavarlardan fərqli göründüyünü və radiasiya müalicəsi alan xərçəng xəstələrinin immun sistemlərinə bənzədiyini müəyyən ediblər.
Komandalar canavar genomunun "artan xərçəng riskinə davamlı" görünən xüsusi bölgələrini müəyyən etdilər.
Tədqiqat insanlarda gen mutasiyalarının xərçəngdən sağ qalma şansını necə artıra biləcəyini öyrənmək üçün əsas ola bilər.
Tapıntılar xüsusilə qiymətlidir; çünki elm adamları itlərin xərçənglə laboratoriya siçanlarından daha insana bənzər şəkildə mübarizə apardığını aşkar ediblər.
