Müqavilənin vaxtını uzatmaq istəsələr də Rusiya razılıq verməyib
Ukrayna prezidenti Vladimir Zelenski ötən gün mətbuat konfransında bildirib ki, Ukrayna " Qazprom " la bağladığı və hazırda istifadə olunan müqavilənin müddəti başa çatdıqdan sonra Rusiyadan Avropaya qaz nəqlini saxlamaq istəyir. "Sherg.az" xəbər verir ki, bu barədə Rusiyanın " Lenta. ru " saytı məlumat yayıb . Rəsmi xəbər qaynaqlarına istinadən verilən məlumata görə , Ukrayna Prezidenti qeyd edib ki , qaz nəqlinin davamı ilə bağlı danışıqlarda rəsmi Kiyev daha aşağı , uyğun qiymət təklif edib : “2024-cü ilə qədər müqaviləmiz var. Biz qaz nəqlinin davam etdirilməsinin tərəfdarıyıq. Hətta müqaviləyə əlavə olaraq tranzitin həcmini artırmağa da hazır olduğumuzu bildirdik. Bizim buna imkanlarımız var və bu, istənilən qaz nəqliyyat kəmərlərindən daha ucuz başa gələcək ". Zelinskinin sözlərinə görə, Rusiya bu təkliflə razılaşmayıb.
Noyabrın 22-də Ukraynanın baş naziri Denis Şmıqal rəsmi Kiyevin Rusiya ilə müqavilənin müddətini 15 il uzatmaq niyyətində olduğunu açıqlayıb. “Müqavilə 2024-cü ilə qədər qüvvədədir. Əslində biz müqviləni uzatmaq istəyirik və bu barədə avropalı tərəfdaşlarımızla danışıqlar aparırıq, çünki bu müqavilənin uzadılması hım də onlardan asılıdır”.
Qazın Ukrayna ərazisindən 2024-cü ilə qədər nəqlinə dair hazırkı qüvvədə olan müqavilələr 2019-cu ildə imzalanıb. Almaniya və ABŞ-ın iyulda əldə etdiyi “Şimal axını 2”nin tikintisinə dair razılaşmaya əsasən, Rusiya qazının Ukrayna ərazisindən nəqli yeni qaz kəmərinin işə salınmasından sonra da davam etdirilməlidir.
