“Azərbaycan və İsrail illərdir ki, müdafiə və təhlükəsizlik sahəsində uğurlu əməkdaşlıq edirlər”.
APA xəbər verir ki, bunu Azərbaycanın xarici işlər naziri Ceyhun Bayramov israilli həmkarı Eli Kohenlə görüşdən sonra mətbuata birgə bəyanatında bildirib.
“Biz görüşümüzdə regional vəziyyəti, Yaxın Şərqdəki vəziyyəti müzakirə etdik. Azərbaycan Yaxın Şərqdə sülhü, stabilliyi və dialoqu dəstəkləyir”, - o deyib.