ABŞ administrasiyası Fələstinin radikal “HƏMAS” hərəkatının İsrailə qarşı hücumlarını birmənalı şəkildə pisləyir.
“Report” xəbər verir ki, bu barədə ABŞ-ın dövlət katibi Antoni Blinkenin yazılı bəyanatında deyilir.
“Terrora heç vaxt haqq qazandırmaq olmaz. Biz İsrail hökuməti və xalqı ilə həmrəyik, hücumlarda ölən israillilərə görə başsağlığı veririk. Biz İsrailli tərəfdaşlarımızla sıx əlaqə saxlamağa davam edəcəyik. ABŞ İsrailin özünümüdafiə hüququnu dəstəkləyir”, - bəyanatda deyilir.
