Goranboyda kəsici alətlə məktəbə gedən qadın övladını döyüb, müəllimə xəsarət yetirib.
Ajans.az-ın sorğusuna cavab olaraq DİN Mətbuat Xidmətinin regional qrupundan verilən məlumata görə, Goranboy Rayon Polis Şöbəsinə rayonun Hazırəhmədli kənd sakini olan bir nəfər qadın valideyinin kəsici-deşici alətlə məktəbə gəlməsi, övladını döyməsi və onu sakitləşdirmək istəyən müəllimə xəsarət yetirməyə cəhd etməsi barədə məlumat daxil olub.
Polis əməkdaşları məktəbə gələrək müvafiq tədbirlər həyata keçirib.
Hadisəni törətməkdə şübhəli Ə. Rzayeva saxlanılıb, faktla bağlı araşdırmalar davam etdirilir.
