“Vahid Almaniya yetkinlik sınağından keçə bilmədi, müasir Almaniyanın suverenliyi və müstəqilliyindən yalnız şərti danışmaq olar”.
Teleqraf xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinqdə deyib.
“İkinci Dünya müharibəsində məğlub olduqdan sonra parçalanmış Almaniya qərbli müttəfiqlərinin səyləri, ilk növbədə, ölkəmizin möhkəm və prinsipial mövqeyi sayəsində Soyuq müharibə bitdikdən sonra öz birliyini bərpa edə bildi. O vaxt biz həqiqətən inanırdıq ki, bu iki hadisəni bir-birindən ayıran 45 il ərzində almanlar hərtərəfli tarixi dərs alıb və vahid dövlət kimi suverenlik hüququ qazanıblar. Vahid Almaniyanın yetkinlik sınağından keçə bilməməsi ayıbdır.
Müasir Almaniyaya münasibətdə suverenlik və müstəqillikdən yalnız şərti danışmaq olar. Bu paradoksaldır, amma həqiqətdir: keçmiş Qərbi Almaniya və Şərqi Almaniya ayrı-ayrılıqda qərar qəbul etməkdə indiki sözdə birləşmiş Almaniyadan qat-qat müstəqil idi. Qərbi Almaniyanın hələ tamhüquqlu konstitusiyası belə yoxdur”, - diplomat bildirib.
