Azərbaycan Respublikasının Prezidenti İlham Əliyevin dekabrın 16-da Müqəddəs Taxt-Tacın Dövlətlər və Beynəlxalq Təşkilatlarla əlaqələr üzrə katibi arxiyepiskop Paul Riçard Qallagerlə görüşündə Yaxın Şərqdəki vəziyyətə toxunulub.
Prezident İlham Əliyev Əsəd rejiminin çökməsindən sonra qardaş Türkiyə ilə məsləhətləşərək Suriya xalqının üzləşdiyi humanitar problemlərin həllinə dəstək verməyə hazır olduğunu bir daha qeyd edib.
Milli Məclisin deputatı Elman Nəsirov “Sherg.az”a bildirib ki, Azərbaycan Respublikasının Prezidenti cənab İlham Əliyev dekabrın 16-da Müqəddəs Taxt-Tacın Dövlətlər və Beynəlxalq Təşkilatlarla əlaqələr üzrə katibi arxiyepiskop Paul Riçard Qallageri qəbul etdi:
“Görüş əsnasında Azərbaycan Respublikası ilə Müqəddəs Taxt-Tac arasında əlaqələrin dinamik inkişaf tempinə malik olduğu vurğulanıb. Xüsusilə də 2016-ci ildə Roma Papasının Azərbaycana gəlməsi və 2020-ci ildə İlham Əliyevin Taxc-Taca səfəri qeyd olunub. Bütün bunlar ikitərəfli siyasi dialoqun yüksək səviyyədə olduğu fikrini təsdiqləyir. Eyni zamanda Paul Riçard Qallageri ölkəmizə səfərinin məqsədini lI İvan Pavelin şərəfinə katolik kilsəsinin tikilməsinə görə yerin ayrılması məsələsinə hesablandığını söyləyib. O, İlham Əliyevə belə bir təşəbbüsə görə təşəkkür edib. Bu Azərbaycan katolik icması sözügedən qərardan çox məmnun oldu. Azərbaycan Prezidenti bildirdi ki, ölkəmiz multikultural dövlətdir. Bu bizim dövlət siyasətimiz və zənginliyimizin ifadəsidir. Ona görə də ölkəmizdə müxtəlif dinlərin daşıyıcıları bir ailə kimi yaşayırlar və biri-birilərini dəstəkləyirlər. Ölkəmiz COP29 uğurla ev sahibliyi etdi və tədbir ərəfəsində Dünya dini liderlərinin Sammiti baş tutdu. Sammit bir daha sübuta yetirdi ki, Azərbaycan dünyada multikultural dəyərlərin inkişaf etdiyi və yayıldığı mühim mərkəzlərdən birinə çevrilib. Görüş zamanı Yaxın Şərqdəki son vəziyyət müzakirə olundu və İlham Əliyev bölgə ilə bağlı narahatlıqlarını qeyd etdi. Həmçinin söylədi ki, Azərbaycan Bəşər Əsəddən sonrakı Suriyada gərginliyin aradan qaldırılması və mübahisəli məsələlərin sülh yoluyla həllini dəstəkləyir. Azərbaycan qardaş Türkiyə ilə birgə həmin problemlərin həllində yaxından iştirak etməyi düşünür. Azərbaycan Türkiyənin sülhə verdiyi töhfədə və əhalinin hümanitar sahədə üzləşdiyi problemlərin həllinə kömək göstərmək niyyətindədir”.
