Türkiyəli ekspert: “İran əməkdaşlıq təklifimizə cavab vermədi”
Yusif Nəzərli
05:26 14.10.2021
Siyasət
739
”Coşkun Başbuğ
"İran regionun aktiv ölkələrindən biridir. Yəni bölgədə baş verən siyasi, hərbi proseslərdə lazımi diqqət tələb edən ölkədir. Ancaq bütün bunlara rəğmən İran Türkiyə və Azərbaycanın göstərdiyi dəstəyə layiq olmayan fikirlər səsləndirməkdədir. Hesab edirəm ki, İranın bu bəyanatları həm siyasi, həm də hərbi xarakter daşıyır. Nəzərə almaq lazımdır ki, Azərbaycanın 30 illik haqq davası olan Vətən müharibəsində İran, həm İslam dövləti, əhalisinin yarısından çoxu Azərbaycan türkləri, həm də qonşu dövlət olmasına rəğmən Azərbaycanın əleyhinə mövqe nümayiş etdirdi".
Bu fikirləri "Report"un yerli bürosuna müsahibəsində türkiyəli hərbi-siyasi ekspert Coşkun Başbuğ bildirib.
Onun sözlərinə görə, ikinci Qarabağ müharibəsi zamanı İran hökumətinin Ermənistana və "qondarma rejimə" dəstəkləri Cənubi Azərbaycan bölgəsində kəskin etirazla qarşılanmasaydı, belə yardım və maddi-texniki təminatların ardı-arası kəsilməzdi: "Yarısı türk və müsəlman olan bir ölkənin nə üçün bu cür çirkli əlaqələr qurduğunu düşünmək lazımdır. Bu əlaqələrə, əməllərə və faktiki addımlara etiraz edildiyi təqdirdə də, İranın hansı təzyiq metodlarından istifadə edərək öz vətəndaşlarını susdurduğu da hər kəsə məlumdur".
Coşkun Başbuğ İranın "3 qardaş" təlimlərinə narahatlığına da toxunub: "İranın Azərbaycan, Türkiyə və Pakistanın birgə keçirdiyi "3 qardaş" hərbi təlimlərindən də narahatlığı aydın hiss olundu. Açığı, bu, təəccüb doğurmuşdu. Yəni regionun ən qüdrətli İslam dövlətlərinə belə mənasız qısqanclıq anlaşılan deyil. Halbuki biz İrana 3+3 formatında birgə əməkdaşlıq təklif etmişdik. Ancaq İran bu təklifləri və jestlərə cavab vermədi".
Ekspert vurğulayıb ki, İranda dövlət idarəetmə sistemi Azərbaycanın hərbi və diplomatik sahədə uğurlarını qısqanclıqla qarşılayır və bunu özünə təhlükə mənbəyi kimi görür: "Bu məsələ son günlərin problemi deyil, yüz illərdən gələn, Cənubi Azərbaycandakı əhalidən yaranan əndişədən yaranan narahatlıqdır. Onlar çox yaxşı başa düşürlər ki, Azərbaycana, onun milli maraqlarına qarşı çevrilmiş hər bir hərəkət öz daxilində böyük çaxnaşmaya səbəb olacaq addımdır".
Oxşar xəbərlər
Xəbər lenti
Hamısına bax
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya