Şair və jurnalist Anar Vəziroğlu vəkil Şəfiqə Nağıyeva ilə efirdəki qalmaqalından danışıb.
Bu barədə “Sherg.az”a açıqlama verən Vəziroğlu söyləyib ki, məlum davadan sonra Nağıyeva ilə rastlaşmayıb:
“Pərdəarxasında hamı bərkdən danışır, amma ekranda çəkinirlər. O da siyasi səhv idi, mənə çəkilişdən əvvəl su atmışdı. Mən də adekvat cavabını verdim. Yəni bildirdim ki, cığırından çıxma, yol budur. Dedim ki, hüquqi dövlətdə yaşayırıq. Məhkəməyə verə bilərsən. Amma heç bir hüquqi addımı olmadı, olası da deyildi. Çünki udmayacaq. Ondan əvvəl orada mən kimisə müdafiə etmişdim, həmin adamı məhkəmədə udmuşdu. Onda bir şirinlik qalmışdı, 3 məhkəməni qazanmışdı. Digər məhkəmədə bizim vəkilimiz qələbə çaldı. Həmin Şəfiqə Nağıyeva uduzdu. Sonra heç rastlaşmamışıq. Əvvəllər deyirdi ki, hörmətim var və sairə.
Sadəcə gərək ali təhsil ala biləsən, fərdi psixologiyanı bilmək çox çətin olur. Gərək hər adamın öz səviyyəsində danışmağı biləsən. Jurnalistdi, fəhlədi, çobandı, prokurordu, bunların hamısı ilə danışmağı biləsən. Mənim nə ədavətim var? Küsməmişəm, deyib, cavabını da alıb. Mənim üçün fərqi yoxdur, salam verərəm, götürər, özü bilər, alar, ya almaz”.
Qeyd edək ki, “Təsir dairəsi” verilişində şair Nağıyevanın üstünə su atmışdı, daha sonra paylaşılan görüntülərdə isə bu münaqişəni birinci hüquqşünasın başlatdığı məlum olmuşdu.
