Urmiya gölünü kənd təsərrüfatının inkişafı bəhanəsi və qeyri-peşəkar bəndlər inşa etməklə məhv etdik.
Axar.az xəbər verir ki, bunu İran parlamentinin Urmiyadan olan deputatı Şahin Cahangiri Prezident Məsud Pezeşkiana ünvanladığı məktubunda yazıb.
"Gələcəkdə övladlarımız bizə tapışırılan əmanəti niyə qoruyub saxlamadığımızı, laqeyd və zalım yanaşdığımızı soruşacaqlar. Gəlin elə edək ki, tarix qarşısında başı uca cavab verə, missiyamızı layiqincə yerinə yetirə bilək və Urmiya gölünün mesajını aldığımızı sübut edək", - Cahangiri bildirib.
Deputat məktubunun davamında Urmiya gölünün quruma səbəbləri, bununla bağlı məsuliyyət daşıyan aidiyyətli qurumların laqeydliyi və problemin həll yolları barədə fikirlərini yazıb:
"Mən bölgə əhalisinin nümayəndəsi və yalnız öz övladlarım üçün deyil, gələcək nəsillər qarşısında da özümü məsul hesab edib və problemin həll yolları barədə təkliflərimi sizə bildirirəm".
