Amma bu xəbərdən sonra İrandan hücumların artacağına hazır olmalıyıq
“Azərbaycanın İsraildə səfirliyinin açılmamasının səbəbi Qarabağ münaqişəsinin mövcud olduğu dövrdə İranın narazılığını daha da artırmamaq idi”. Bunu siyasi şərhçi Asif Nərimanlı feysbuk səhifəsində yazıb.
Analitik bildirib ki, Bakıya gələn ərəb turistlərindən tutmuş İsrail istehsalı olan filmlərdə Azərbaycanın adının keçdiyi xırda kadra qədər hər şeyi özünün “dövlət təhlükəsizliyinə təhdid” kimi yozan İran regionda ən çətin anlayan ölkədir:
![](https://sherg.az/uploads/editor/5114fce61af7f8ed070c74f443a1e59d.jpg)
“Bu baxımdan Azərbaycanın səfirlik məsələsində gözləmə mövqeyini İsrail də anlayışla qarşılayırdı. İndi ərazilər azad olunub və prinsipcə, gecikmiş işi yerinə yetirməyin önündə maneə qalmır.
Məlumatlar da bu istiqamətdə prosesin başladığı yönündədir. İranda isə artıq mart ayından etibarən, “sionist rejim Qarabağ da İrana təhdiddir” iddiaları üzərindən çıxışlar edirlər. Səfirlik xəbərindən sonra hücumların artacağına da hazır olmalıyıq. Xüsusilə təcrübə dini müstəvidə müdaxilələrin ola biləcəyini istisna etmir”.