Bakı-Sumqayıt yolunda yaradılan avtobus zolaqları effektiv olmaq əvəzinə əlavə problemlər yaradıb.
Trend xəbər verir ki, bunu deputat Hikmət Babaoğlu Milli Məclisin bu gün keçirilən iclasında çıxışı zamanı deyib.
H.babaoğlu bildirib ki, Bakı-Sumqayıt yolunda yaradılan avtobus zolaqları tıxacları artırıb, avtobuslar gecikir, çəkilən zolaqlar faydalı nəticə verməyib.
“Digər tərəfdən velosiped zolaqları ilə bağlı da çatışmazlıqlar mövcuddur. Zolaqlar bir tərəfdən avtomibllərin hərəkətinə problem ayradır, digər tərəfdən isə velosipeddən istifadə edən şxəslərin təhlükəsizliyi heç də tam təmin olunmur. Yollarımızda əsaslı yenidən qurma işləri aparılmadan bu yenilikləri tətbiq etmək faydalı deyil. Gələcəkdə avtomobil yollarının idarə olunması ilə bağlı bizə yeni qanun lazımdır”, - deyə H.babaoğlu əlavə edib.
