Bakıda ana doğuş zamanı öldü

Dəmiryolu Xəstəxanasında 23 yaşlı ananın ölümünə səbəb qanaxma olub

Dəmiryolu Xəstəxanasının baş həkimi Laçın İmanov ana ölümü ilə bağlı ANS PRESS-ə açıqlama verib. Baş həkim açıqlamasında doğuş zamanı dünyasını dəyişən ananın qanaxmadan öldüyünü bildirib: "Sentyabrın 28-i, saat 04:00 radələrində 23 yaşlı Həlimə Akif qızı Əzimova qəbul olunub. Saat 04:30 radələrində doğum başlayıb. Doğuş çox ağır keçib. Doğum zamanı çox nadir rast gəlinən DVS patologiyası, yəni qan laxtalanmaması olub. Yəni atonik qanaxma baş verib”. Həkimin sözlərinə görə, doğuşu Nigar Abdullayeva və Tamilla Bağırova qəbul edib. Vəziyyəti pisləşən səstəyə qan köçürülüb, süni nəfəs verilib. "Bir sözlə həkim briqadası əlindən gələni edib. Lakin xəstənin həyatını xilas etmək mümkün olmayıb”. Baş həkim onu da bildirib ki, ananın dünyaya gətirdiyi körpənin çəkisi 4 kiloqram olub. Dünyaya gələn oğlan uşağının vəziyyəti yaxşıdır.