ABŞ-ın Cənubi Karolina ştatında sərnişin və yük qatarlarının toqquşması nəticəsində yaralıların sayı 116 nəfərə çatıb.
APA-nın RİA Novosti agentliyinə istinadən verdiyi xəbərə görə, bu barədə ştatın qubernatoru Henri Makmaster bildirib.
Bundan əvvəl 2 nəfərin öldüyü, 70 nəfərin yaralandığı bildirilirdi.
Qəza zamanı Nyu-York-Mayami marşrutu ilə hərəkət edən sərnişin qatarında 139 sərnişin və 8 ekipaj üzvü olub. Hadisə nəticəsində bir neçə vaqon relsdən çıxıb. Hazırda hadisə yerində xilasedici əməliyyat davam etdirilir.
