"Səudiyyə neftinin ucuzlaşmasının Azərbaycan neftinin qiymətinə təsiri yoxdur".
Bu barədə "Sherg.az”a Neft Araşdırmaları Fondunun rəhbəri İlham Şaban bildirib.
Onun sözlərinə görə, Səudiyyə Ərəbistanının nefti London və Nyu-York birjasında təyin edilmiş qiymətdən aşağı satılıb:
"Bu, 1972-ci ildən indiyə qədər belə olub. Səüdiyyə Ərəbistanı təyin edilmiş qiymətdən 1-2 dollar aşağı olmaqla markasından aslı olaraq neftini öz müştərilərinə satıb. Çünki o dövlətlərlə uzun müddət əməkdaşlığı olub. İndiki dövrdə Səüdiyyə Ərəbistanının neftin qiymətini endirməsi bazarlarda neft uğrunda rəqabətin güclənməsi fonunda baş verir.
Səudiyyə Ərəbistanı necə addım atırsa, digər ölkələr, o cümlədən Afrika, Yaxın və Orta Şərq də o cür addımlar atır. Bazar elə bir yer deyil ki, orda nə göstərildisə o qiymətə də satılsın. Azərbaycan nefti də eyni nöqtə qalsın.
Azərbaycan nefti heç vaxt birja qiymətində satılmır. Neftimizin qiyməti limanda alıcı ilə satıcı arasında sözləşən bir qiymətdir. Əlbəttə, dünya bazarında neftin qiyməti dəyişəndə Azərbaycan neftinin də qiyməti dəyişəcək”.
Kənan Eynuroğlu
