Bakının Xəzər rayonunda qətlə yetirilən qadının kimliyi müəyyənləşib. Lent.az-ın əldə etdiyi məlumata görə, Buzovna qəsəbəsində küçədə meyiti tapılan qadının 1968-ci il təvəllüdlü Rzayeva Xatirə Saməddin qızı olması müəyyən edilib. İlkin baxış nəticəsində qadının 16 bıçaq zərbəsi ilə amansızlıqla qətlə yetirildiyi məlum olub. Hazırda cinayəti törədən şəxs və ya şəxslərin tapılaraq məsuliyyətə cəlb edilməsi istiqamətində iş aparılır.
*****
14 fevral 11:28
Bakıda qətl hadisəsi baş verib. Xəzər Rayon Polis İdarəsindən APA-ya verilən xəbərə görə, Buzovna qəsəbəsində, "Əli Ayağı” ziyarətgahına gedən yolda şəxsiyyəti məlum olmayan 30-35 yaşlı qadının meyiti tapılıb. Meyitə ilkin baxış zamanı qadının bıçaqlanaraq öldürüldüyü məlum olub.
Hazırda polis öldürülən qadının şəxsiyyətinin müəyyən edilməsi istiqamətində iş aparır.
