Bakıda beşmərtəbəli bina yanıb. Fövqəladə Hallar Nazirliyinin saytıxəbər verir ki, paytaxtın Xəzər rayonunda beşmərtəbəli yaşayış binasının alkapondan ibarət divar üzlüyü və dam örtüyü yanıb.
Musavat.com-un hadisə yerində olan əməkdaşının verdiyi məlumata görə, beşmərtəbəli yaşayış binasındakı yanğın söndürülüb. Yanğın altıgirişli beşmərtəbəli binanın tavanında baş verib. Binanın sakinləri xilasedicilər tərəfindən təxliyə edilib. Yanğının əhatə dairəsi ilə bağlı rəsmi məlumat gözlənilir.
ANS PRESS-in məlumatına görə, yanğına səbəb binanın işıqlandırılması üçün quraşdırılan işıqlandırma sistemində yaranan nasazlıq göstərilir.
Yanğın nəticəsində zərərçəkənlər var. İlkin məlumata görə, 6 nəfər tüstüdən zəhərlənib.
APA-nın məlumatına görə, yanğın binanın damında baş verib. Fövqəladə Hallar Nazirliyinin xilasetmə qüvvələri təhlükəsizlik məqsədilə bina sakinlərini təxliyə ediblər. İlkin məlumata görə, yanğın zaman 3 nəfər tüstüdən zəhərlənib. Onlara hadisə yerində ambulator qaydada tibbi yardım göstərilib.
