Türkiyənin Aydın Efeler qəsəbəsində qidalanma çətinliyi çəkdiyi üçün əməliyyat edilən 7 aylıq balası olan inəyin qarınından 2 kiloqram ağırlığında kəndir və mismar çıxdı.
Kızılcaköy məhəlləsində yaşayan Cövdət Ərdəm, iki ay əvvəl aldığı 4 yaşlı inəyinin qidalanmasında problemlər yaşadığını görüncə baytardan kömək istədi.
Baytar Ərdəm Qürur Polad, müayinə zamanı metal dedektörü ilə apardığı yoxlamada inəyin qarınında metal olduğunu təsdiqləndi.
İnəyi təqibə alan Polad, ağrılarının davam etməsinə görə əməliyyata qərar verdi. Təxminən 3 saat davam edən əməliyyatın sonunda inəyin qarınından 2 kiloqram ağırlığında kəndir ipləri və böyük bir mismar çıxarıldı.
Baytar Polad, müvəffəqiyyətli bir əməliyyatla inəyin sağlamlığına qovuşdurulduğunu ifadə edərək "Heyvan yeyə bilmədiyi kimi, böyük bir ağrı çəkirdi. Sol tərəfindən inəyin qarınını yararaq əməliyyat etdik. 3 saatlıq əməliyyat sonrasında inəyin içərisindən bir-birinə dolanmış kəndir iplərini çıxardıq. Çox çətin bir əməliyyat keçirdi. Əgər bu əməliyyatı etməsəydik inək qısa müddət sonra qarınında böyüyən buzov səbəbi ilə yaşamayacaq və öləcəkdi. Qarınından çıxardığımız kəndir ilə birlikdə böyük bir də mismar çıxdı. 5 illik peşə həyatım boyunca şok yaşadığım ikinci əməliyyatım oldu” deyib.
