"Neftin qiyməti ucuzlaşacaq yəni, bu ilin mart-aprel aylarında qiymət 60 dollardan da az olacaq”
Bu barədə "Sherg.az” iqtisadçı-ekspert Natiq Cəfərli bildirib.
O qeyd edib ki, neftin qiymətinin artmasının kökündə iki səbəb dayanır:
"Birinci səbəb Neft İxrac Edən Ölkələr Birliyi(OPEC) və Rusiya anlaşması idi ki, onlar gündəlik 1.8 milyon barel azaltmaqla bağlı razılığa gəldilər. Bu da neftin qiymətinə təsir göstərdi. Həmçinin ötən ilin sentyabr ayından etibarən ciddi siyasi hadisələr baş verdi. Hərbi müdaxilələr və gərginlikər yarandı. Neftlə zəngin ərazilərdə - İranın Şimalı, Səudiyyə Ərəbistanı və Yəmən arasında qarşıdurma yarandı. Yəməndən Səhudiyyə Ərəbistnına roket atıldı. Şimalı İraqda Kürdüstanın müstəqilliyinə dair keçirilən referendum çox pis qarşılandı.
Və Şimalı İraq neftinin dünya bazarına çıxarılması əngəlləndi. Təqribən günə 800 min barel neft azaldı. Kərkük-Yumurtalıq Ceyhan kəməri bağlandı.Yəni siyasi səbəblər oldu.
Bütün bunlar neftin qiymətinin yüksəlməsinə gətirib çıxardı. Həmçinin dollar indeksi aşağı düşdü. Bu da neftin qiymətinin bahalaşmasına səbəb oldu. Çünki ucuz dollar bazarda nisbətən baha neft demək olur. Hazırda biraz bazarda sakitlik höküm sürür. Brend markalı neftin qiyməti 71 dollara qədər yüksəlmişdi. Amma, bu gün neftin qiyməti 68 dollara qədər enib.
Ola bilər ki, gələcəkdə neftin qiyməti yenidən ucuzlaşsın. Çünki qış mövsümündə neftə tələbat artır. Amma indi nisbətəndə olsa qiymətlər azalacaq. Amerikada hasilat artır və bu ölkənin neft hasilatı 2-3 həftə ərzində Səudiyyə Ərəbstanı və Rusiyaya çatacaq. Bu da neftin qiymətinə mənfi təsir göstərəcək. Qiymətlər aşağı düşəcək. Həmçinin dolların mart ayında bahalaşması gözlənilir ki, bu da neftin qiymətinə təsir göstərəcək".
Kənan Eynuroğlu
