"Valyuta mübadilə məntəqələrinin yenidən açılması düzgün və səmərəli bir addım oldu”.
Bu barədə "Sherg.az”a iqtisadçı-ekspert Fuad İbrahimov bildirib.
Onun söylədiyinə görə,valyuta mübadilə məntəqələrinin bağlanması səhv addım idi:
"Həmin vaxtlar müstəqil ekspertlər bu barədə fikirlərini söyləməsinə bəxmayaraq, səhv qərar qəbul olundu.Mübadilə məntəqələri bağlandı. Sanki dollarnan bağlı olan problemin, manatın məzənnəsinin kəskin şəkildə aşağı düşməsinə məhz bu məntəqələr şərait yaratmışdır.Ancaq bu, elə deyildi. Valyutadəyişmə məntəqələri bağlanan kimi,"qara bazar" yarandı. Və optimal sürətlə gizli iqtisadiyyatı maliyyələşdirməyə başladı.
Bu da öz növbəsində böyük problemlərə gətirib çıxara bilərdi. Valyuta mübadilə məntəqələri bağlanması ilə bütun səlahiyyətlər banklara verildi. Bankların şənbə,bazar günü işləməməsi bu işin dinamikliyi və elastiqliyini pozdu. Nəinki xarici vətəndaşlar hətta,öz vətəndaşlarımızın da təcili yaranan ehtiyacını vaxtında həll edə bilmədi. Bu da məcburiyyət qarşısında "qara bazar"ın aktivləşməsini stimulaşdırmış olurdu.
Nəhayət, indi valyuta mübadilə məntəqələrinin açılma qərarı verildi. Verilmiş yeni qərar vaxtilə fikri təsdiqlənməyən ekspertlərə bəraət qazandırdı. Qonşu dövlətlərə diqqət yetirsək, müşahidə edərik ki, həmin ölkələrdə valyuta dəyişmə məntəqələrini sayı-hesabı yoxdur. Əvvəl atılmış səhv addımın aradan qaldırılmasının Azərbaycanın iqtisadiyyatına makro dərəcədə olmasada, nisbətən müsbət təsir göstərəcək. Çünki Azərbaycan turizm cəhətdən prespektivi olan ölkədir.Yaxın zamanlarda Novruz bayramı, yay fəslinin yaxınlaşması münasibəti ilə ölkəmizə çoxsaylı turist gələcək. Atılmış yeni addım xarici qonaqlarmızın fəaliyyətini asanlaşdıracaq.
Turistlər respublikamızda olan restoran, hotel,əyləncə mərkəzlərindən asanlıqla istifadə edəcək. Bütün bunlar turizmi inkişaf etirəcək.Turizimin inkişafı iqtisadiyyatımıza müsbət təsir göstərəcək. Bu nöqteyi nəzərdən valyuta mübadilə məntəqələrinin bağlanması səhv bir addım idi. Yenidən bu cür məntəqələrin bərpası düzgün yanaşma oldu. Ümid edirəm ki, gələcəkdə belə bir səhv addım atılmaz”.
Kənan Eynuroğlu
