"Dollar bahalaşsada, manatın məzənnəsinin sabit qalması mənzil bazarında və kirayələrdə qiymətləri sabit saxlayır”
Bunu ”Sherg.az”a daşınmaz əmlak üzrə ekspert Ramil Osmanlı söyləyib.
O qeyd edib ki, artıq bir ildir manatın məzənnəsi sabit olaraq qalır. Və bu proses artıq mənzil bazarına ciddi təsir göstərmir.
"Amma digər səbəblərdən mənzil bazarında qiymət artımı ola bilər. İl dəyişməsindən asılı olaraq mənzil bazarında müəyyən bir passivlik müşahidə olundu.Və bu da tədricən bazarda dinamikanın yüksəlməsinə doğru tendensiya müşahidə olunmasına şərait yaratdı. Son bir neçə gündə bazara müraciət edənlərin sayında azalmalar var. Amma bu məsələlər hələlik qiymətə təsir göstərmir.Qiymət dəyişməsi müşahidə olunmur.
Apardığımız uzunmüddətli bazar araşdırmalarına əsasən qiymət dəyişimi fevral ayının sonlarından baş verə bilər. İndi qiymətin artacağını və ya azalacağını deyə bilmərik .Amma bazarda mart ayının əvvələrinə doğru dinamikanın artacağı gözlənilir.Və bu nisbətən də olsa qiymətlərin artımına gətirib cıxar bilər.”
Evlərin kirayə verilməsi məsələsinə toxunan ekspert onda bildirib ki, dolların bahalaşmasına baxmayaraq manatın məzənnəsinin sabit qalması kirayələrin qiyməti sabit saxlayır.
Kənan Eynuroğu
