"Ölkə başçısının Novruz bayramı ərəfəsində əfv sərəncamını verməsi mütərəqqi və humanist addımdır". Bunu "Sherg.az"a açıqlamasında AXCP sədrinin müavini, tanınmış politoloq Məhəmməd Əsədullazadə deyib.
Ekspert bildirib ki, bu siyahıda siyasi baxışları fərqli olan məhbusların olması ölkəmizə qarşı beynəlxalq təşkilatlarda müəyyən dərəcədə tənqidlərin yumuşalmasına gətirəcək: "Regionda ümumi siyasi mənzərə, dəyişikliklər mütləqdir. Siyasi-hüquqi islahatlar da zəruridir. Bu problemlərə son qoyularsa, ölkəmizin imici daha da yüksələcək. Hesab edirəm ki, dövlət başçısı problemləri siyasi iradəsi ilə həll edə bilər. Bu əfv fərmanı cəmiyyətdə müəyyən gözləntilərə işıq saçır. İstərdik ki, bütün sahələrdə bu kimi mütərəqqi addımlar atılsın. Bu əfv sərəncamı siyasi dialoqa və cəmiyyətin bütövləşməsinə gətirə bilər. Fikrimcə, əfv edilən siyasi məhbuslar barışcıl olacaq və dialoqa üstünlük verəcək".
İsmayıl
