"Millət vəkili Asəf Hacıyev deputat mandatından imtina edəcək”. Bu barədə parlament üzvünün özü məlumat yayıb. O, addımını yeni vəzifəyə təyin olunması ilə izah edib:
"Qara Dəniz İqtisadi Əməkdaşlıq Təşkilatı Parlament Assambleyasının baş katibi seçildim. Qurum Türkiyənin İstanbul şəhərində yerləşdiyi üçün o şəhərə köçəcəm. Bu səbəbdən deputatlıqdan imtina edəcəm. 2015-ci ilin yanvar ayından etibarən deputatlıq fəaliyyətimə son qoyulacaq”.
Deputatın seçicilər qarşısında məsuliyyət daşıdığını deyən, Azərbaycanda Vətəndaş Cəmiyyətinə Yardım Assosiasiyası Seçki Qərargahının rəhbəri Məhərrəm Zülfüqarlı "Şərq”ə bildirib ki, bu, seçicilərə hörmətsizlikdir: "Millət vəkilinin belə iş görməyə haqqı yoxdur. Ona etimad göstərib, seçənlərin hüquqlarının pozulmasıdır”.
Ayyət Əhməd
