"İnsanlar sosial mənzil almaq üçün boşanırsa, valideynlərinin himayəsindən çıxırsa, bunların qarşısını almaq çətin olacaq”.
Bu barədə "Sherg.az”a əhalinin aztəminatlı, gənc ailələri üçün nəzərdə tutulmuş sosial mənzillərdən sui-istifadə hallarından danışarkən millət vəkili Vahid Əhmədov bildirib. O qeyd edib ki, aidiyyəti orqanlar, sosial mənzili verən təşkilat bu məsələləri yoxlamalıdır:
"Sosial mənzilləri müəyyən orqanlarla əlaqə yaratmaqla, kriteriyaları götür-qoy etməklə verməlidir. Şərtlərə uyğun olan namizədlərin sənədləri, sosial durumu ciddi yoxlanmalıdır. Namizədlərin vəziyyəti, sosial durumunun araşdırılması çətin olsa da, bu prosedurlar həyata keçirilməlidir.
Ancaq bundan sonra mənzilin verilib-verilməməsi qərarlaşdırıla bilər. Mütləq fərqli variantlardan, evi ola-ola min fırıldaqdan istifadə edib, sosial mənzil almaq istəyənlər olacaq. Kifayət qədər ciddi yoxlamalar olsa, sui-istifadə hallarını azaltmaq olar”.
Aysel Aslan
