"Afrin və İdlib bölgələri Rusiya və Türkiyə üçün önəmlidir”.
Bu barədə "Sherg.az”a Suriya məsələsi üzrə İstanbulda keçiriləcək növbəti Soçi sammiti barədə danışarkən politoloq İlqar Vəlizadə bildirib.
O qeyd edib ki, Suriya müxalifətinin də həmin ərazilərdə maraqları çoxdur:
"Əslində Afrin azad olunandan sonra nəzarət Azad Suriya Ordusuna veriləcək. Ona görə, bu ərazi Suriya vahid müxalifəti üçün vacib ərazidir. Bu ərazidə fəaliyyət göstərən qrupların böyük hissəsi Türkiyənin Suriyadakı müttəfiqləridir.
Rəsmi Ankara bu müttəfiqlərin mövqeyini saxlamağa çalışır. Amma Suriya hökuməti buna qarşı çıxış edir. Suriya hökumətini də Rusiya dəstəkləyir. Ona görə, Türkiyə-Rusiya ziddiyyətlərini aradan qaldırmaq üçün belə görüşlər vacibdir.
Türkiyə gələcəkdə kürdlərin nəzarət etdiyi rayonları da ələ keçirməyə çalışacaq. Burada Amerika qoşunları yerləşdirilib. Türkiyə hərəkət etsə, mütləq ona dəstək lazım olacaq. Bu dəstəyi isə yalnız Rusiya və İran verə bilər.
Son vaxtlar Rusiya hava qüvvələri İdlibdə əməliyyat keçirib, bəzi bölgələri bombardman ediblər. Xüsusilə, mülki əhali arasında itkilər var. Bu məsələnin də Soçi görüşündə müzakirə olunacağını düşünürəm”.
Qeyd edək ki, liderlər arasında Suriyanın Afrin və İdlib bölgələrindəki vəziyyətlə bağlı telefon danışığı baş tutub.
Aysel Aslan
