Azərbaycan Prezidenti İlham Əliyev REAL televiziyasına verdiyi müsahibədə bir çox mühüm məsələlərə, o cümlədən Dağlıq Qarabağ probleminə toxunub. Azərbaycan Prezidenti dəfələrlə açıq şəkildə bildirib ki, biz danışıqlara üstünlük versək də problemin hərbi yolla həlli gündəlikdən çıxmayıb.
Bu gün dünyada "kim güclüdür, o da haqlıdır” prinsipinin hökm sürdüyünü vurğulayan ölkə başçısı qeyd edib ki, Ermənistanın yeni hökuməti birinci mərhələdə çox ziddiyyətli bəyanatlar verirdi ki, Azərbaycan Ermənistanla yox, qondarma "Dağlıq Qarabağ respublikası” ilə danışıqlar aparmalıdır.
"Sivilizasiyalar və Konfliktlər” Analitik Mərkəzinin rəhbəri, Əhəd Məmmədli isə Sherg.az-a açıqlamasında deyib ki, istər Mirşahin Ağayevlə, istərsədə əvvəlki mesajlarında ölkə başçısı Qarabağ münaqişəsi Azərbaycanın ərazi bütövlüyü çərçivəsində həll olunmalıdır bəyan edib:
"Həmin bu müsahibədə də prezident aprel döyüşü, Naxçıvan əməliyyatına toxunub. Və sonda prezidentin güc amili həmişə gündəlikdə olub söyləməsi Azərbaycanın ərazi bütövlüyünü hərbi yolla həll edə biləcəyi işarəsidir. Paşinyanın son açıqlamaları da onu göstərdi ki Ermənistanla danışıqlar alanı artıq tükənib. Biz xalq, cəmiyyət olaraq 2019 ildə Azərbaycan ordusundan Qarabağda antiterror əməliyyatını keçirlməsini gözləyirik. Bu il Qarabağ məsələsinin həllində sınma nöqtəsi ola bilər. Əks halda Qarabağı de-yure itirmək təhlükəsi ilə üz-üzə gələcəyik”.
Şəymən
