"Gəlin baxaq, bu gün Ermənistanda nə dəyişib? Bir il ərzində ölkədə irəliyə doğru heç bir addım atılmayıb”.
Bunu "Sherg.az”a açıqlamasında "Atlas” Araşdırmalar Mərkəzinin eksperti Zeynal Əmralıyev deyib.
Ekspert bildirib ki, heç bir hazırlığı olmayan və bacarıqsız komanda ilə hakimiyyətə yiyələnməyin nəticəsi ancaq belə ola bilərdi:
"Paşinyan Ermənistanda sadə insansanların dolayı yolla etdiyi inqilabi sanki onların əlindən aldı. Sarkisyanın dövründə olan problemlər öz həllini tapmayıb, hətta yüksələn xətlə inkişaf edib.
Sadə insanlar küçəyə müxalif bir jurnalisti baş nazir etmək üçün çıxmamışdı. Əhali acınacaqlı güzəranlarının yaxşılaşmasını istəyirdi. Ona görə inqilab etmişdilər. Çalışırdılar ki, onların halına yanan bir hökumət qurulsun. Son 10 ay göstərdi ki, nəticələr heç də ürək açan deyil və proseslər yaxşıya doğru getmir”.
Analitik bir məqama diqqət çəkərək bildirib ki, Paşinyana qarşı etirazlar geniş vüsət ala bilər:
"Bir dəfə öz güzəranı üçün küçəyə çıxan yüz minlər yenidən çıxa bilməzmi? Vəziyyət belə davam edərsə, xalq yenidən meydanlara axışacaq və Paşinyanı devirəcək. Ancaq bu proses əvvəlki kimi olmayacaq. Artıq bir dəfə aldadılmış, ümidini itirmiş xalq ikinci dəfə kiməsə güvənmək istəməyəcək. Bu isə ölkədə kəskin siyasi böhrana, hakimiyyətsizliyə, hətta mümkündür ki, vətəndaş müharibəsinə gətirib çıxarsın”.
Qeyd edək ki, Ermənistanda etirazlar genişlənməkdədir. Məsələ ondadır ki, hər gün gündəmə gələn xalq etirazları, aksiyaları birbaşa və dolayısı yolla hökumət başçısı Nikol Paşinyana yönəlib. Məlumata görə, Ermənistan İslahatçılar partiyasının sədri Vahan Babayan Nikol Paşinyan hakimiyyətinə qarşı etiraz aksiyasına hazırlaşır. Aksiya mart ayının sonunda "Vədlərinizi yerinə yetirin!" şüarı altında keçiriləcək.
İsmayıl
