"Şərq”i oxu” adlı abunə kampaniya çərçivəsində tanınmış ictimaiyyət nümayəndələrinin qəzetimizə dəstəyi davam edir. Bugün Abunə marafonuna qoşulanlardan biri də tanınmış ədəbi tənqidçi Əsəd Cahangir oldu. Qəzetimizə məmnuniyyətlə abunə olan Əsəd Cahangir ilk sayından bu günəcən "Şərq” qəzetini Azərbaycan dövlətçiliyi və milli mənəvi dəyərlərin təbliğatçısı, azad fikir və ədalətli mövqenin təmsilçisi kimi gördüyünü deyib:
"Mənim bilavasitə məşğul olduğum ədəbiyyat sahəsi ilə bağlı məsələlərdə "Şərq” həmişə özünün obyektiv münasibəti ilə seçilib. Tanınmış jurnalist Akif Aşırlı başda olmaqla qəzetin əməkdaşlarının səyi nəticəsində "Şərq” keçid dövrünün gətirdiyi problemlərdən keçərək bu günə qədər gəlib çatıbsa, bundan sonra da yaşamaq haqqı var.
Bütün söz adamlarını "Şərq”ə dəstək olmağa, ona abunə yazılmağa çağırıram. "Şərq”imiz varsa, şərqimiz də olacaq!”.
İsmayıl
