"Bu, İran hakimiyyətinin Azərbaycan Respublikasına münasibətinin göstəricisidir”.
Bunu "Sherg.az”a açıqlamasında politoloq Sədrəddin Soltan deyib.
Siyasi şərhçinin sözlərinə görə, XİN rəhbəri Elmar Məmmədyarovun Tehrana səfərindən təxminən bir həftə əvvəl Ermənistanın baş naziri Nikol Paşinyan İslam Respublikasına rəsmi səfər etmiş, orada Azərbaycana qarşı ərazi iddiaları irəli sürmüşdü.
Bundan başqa Tehranda "Ararat” idman klubunda İslam respublikasının vətəndaşı olan ermənilər Azərbaycanın ərazi bütövlüyünü qarşı plakat asmışdı:
"İranın Azərbaycanın ərazi bütövlüyünə qaşrı belə hörmətsizliyidən bir həftə keçməmiş, xarici işlər nazirinin "yeni səfir” olaraq, təqdim edilməsi Tehran hakimiyyətinə tuşlanan təxribatdır. Bunu həm də İranın xarici işlər naziri Məhəmmədcavad Zərifə qarşı çıxış da saymaq olar. Çünki E.Məmmədyarovun səfir ilə bağlı məlumatı ilk olaraq, onun başçılıq etdiyi nazirliyin mətbuat xidməti yaymalı, ölkədəki KİV ona istinadən bu məlumatı işıqlandırmalı idi. Bu səbəbdən xəbəri yayan medianın istinad etdiyi mənbə məsuliyyət daşıyır. İran yanlış informasiyaya görə, Azərbaycan tərəfindən üzr istəməli və təkzib verməlidir”.
Ekspert xatırladıb ki, bu yaxınlarda M.Cavad başçılıq etdiyi quruma hörmətsizlik edilməsinə etiraz olaraq istefa verib. Ancaq onun ərziəsi qəbul edilməyib:
"Azərbaycan XİN-də məlumatla bağlı öz etirazını İranın uyğun qurumlarına çatdırmalıdır. Bu addımların atılması İran hakimiyyətinin, onun KİV-inin Azərbaycana qarşı diqqətli olmasına yardım edər.
Çünki əvvəllər də İran hakimiyyəti və onun informasiya vasitələri Azərbaycanın dövlət bayrağına qarşı hörmətsizlik edib. Belə davranışın qarşısını almaq üçün etiraz bildirilməlidir. Əks halda İranın xarici işlər naziri M.Cavad Azərbaycan mətbuatında İranın Azərbaycana "yeni təyin olunacaq səfiri” kimi təqdim edilməlidir”.
Qeyd edək ki, Azərbaycanın xarici İşlər naziri Elmar Məmmədyarov martın 9-da Tehrana səfər edib və İran rəhbərliyi tərəfindən qəbul olunub. Lakin İran prezidentinin və ölkənin Xarici İşlər Nazirliyinin saytlarının ingilis dilində olan versiyalarında Məmmədyarov Azərbaycanın İrandakı "yeni səfiri” kimi təqdim edilib. Bu məqam Azərbaycan ictimaiyyətində birmənalı qarşılanmayıb və fərqli mülahizələr ortaya atılıb. Yaşanan olayın sadəcə "texniki səhv” olduğunu iddia edənlərlə yanaşı, Tehran hökumətinin qərəzli və məqsədli şəkildə belə bir "səhvə” yol verdiyini deyənlər də olub.
İsmayıl
