Bodrumun Yalıkavak qəsəbəsində, gecə yarısı bir tövləyə girən itlər, 94 qoyun və quzudan 91-ni parçalayaraq tələf etdi.
Heyvandarlıqla məşğul olan evli, üç uşaq, beş nəvə sahibi 70 yaşlı Saleh Comərd, dünən səhər tövləyə gəldiyində gördüyü mənzərə qarşısında şok oldu. Tövləsində cəmi 94 qoyun və quzudan 91-nin səfil it sürüsü tərəfindən boğularaq tələf edildiyini görən Comərd, gözyaşlarını saxlaya bilmədi. Comərd, oğulu Ramazan Comərd ilə itlərin tövlənin xaricinə sürüdüyü heyvanlarının leşlərini yığıb, vəziyyəti polis və Bodrum Təhlükəsizlik Müdirliyinə bildirdi. Protokol tutulmasının ardından tələf olan heyvanlar, polis qruplarının nəzarətində qazılan çuxurlara basdırıldı. 5 yaşından bəri dağlarda çobanlıq etdiyini ifadə edən Saleh Comərd, "Bu günə qədər heç belə bir şeyə şahid olmadım. Təxminən 40 min lirəlik bir zərərim var. 94 kiçikbaş heyvanlarımızdan iki qoyun və bir quzu xilas olub. Tək dolanışıq qaynağım çobanlıqdı. Heyvansız indi nə edim? Baş məmurluğa yazılı olaraq müraciət edib, zərərimin qarşılanmasını istəyəcəyəm” dedi. Comərd, səhər tövləyə gələrkən heyvanlarının başında gördüyü it sürüsünün, onu görüncə qaçdığını da söylədi.
