"Azərbaycan Gürcüstanın əsas qaz tədarükçüsü olaraq qalır”. "Report”un yerli bürosu xəbər verir ki, bunu Gürcüstanın iqtisadiyyat və davamlı inkişaf nazirinin müavini Natia Turnava jurnalistlərə deyib.
O bildirib ki, Gürcüstan tam olaraq Azərbaycan qazı ilə təmin olunur və bu, belə də davam edəcək: "Qaz sahəsində Azərbaycan Gürcüstanın strateji tərəfdaşıdır. Bununla yanaşı "Şahdəniz 2” layihəsinin tam başa çatdırılmasından sonra növbəti illərdə Gürcüstana idxal olunan Azərbaycan qazının həcmi daha da artacaq”.
Rusiyanın "Qazprom” şirkəti ilə danışıqların yekunlaşmasına toxunan nazir müavini deyib ki, əldə olunmuş yeni müqavilə 2019-2020-ci illərdə qüvvədə olacaq: "Çətin və uzun sürən danışıqlara baxmayaraq, müqavilədə Gürcüstanın mövqelərinin daha da yaxşılaşdırılmasına nail olunub”.
N.Turnava "Qazprom”la əldə olunan razılaşmanın kommersiya sirri olduğunu qeyd edərək, konkret detalları barədə danışa bilməyəcyini söyləyib.
